JAVA E MADHE E SHENJTË

Περιγραφή

Ky botim përbën një kontribut të rëndësishëm në jetën liturgjike dhe muzikore të Kishës Orthodhokse në Shqipëri. Vepra është përshtatur dhe kompozuar në gjuhën shqipe nga Ph.D.c Theodhor Peci, duke ruajtur me përpikëri saktësinë teologjike dhe gjuhësore të tekstit liturgjik dhe kompozimin e tyre sipas melodive tradicionale bizantine.

📜 Siç thekson Kryepiskopi i Tiranës, Durrësit dhe i Gjithë Shqipërisë, Fortlumturia e Tij +Joani, në parathënie:
“Java e Madhe dhe e Shenjtë është zemra e vitit liturgjik… dhe maja e përvojës shpirtërore të besimtarëve”, ku “përmbushet i gjithë misteri i shpëtimit… si hyrje reale dhe mistagogjike në dramën shpëtuese”. Duke theksuar rolin themelor të muzikës kishtare, ai shprehet se: “melodia nuk qëndron mbi tekstin… por ecën bashkë me tekstin”, duke e shndërruar himnin në “lutje të kënduar dhe në teologji të jetuar”, ndërsa tradita muzikore “krijon një hapësirë të brendshme lutjeje” dhe shpreh një ethos “shpirtdërrmues, dramatik dhe shpresëdhënës”.

🎶 Melodibërja e këtij librit mbështetet në traditën muzikore klasike të Artit Psaltik, në vijimësi të mjeshtrave si Petro Peloponezit, Stefan Lampadarit, Gjergj Redhestinit dhe Konstantin Pringut por të përshtatur për adhurimin shqipfolës.

📚 Në vijimësi të botimeve të mëparshme të të njëjtit autor (Anastasimatari (2015), Liturgjia Hyjnore në dy vëllime (2020, 2021), ky libër kontribuon në konsolidimin dhe standardizimin e këndimit psaltik në gjuhën shqipe, duke u shndërruar në një mjet të rëndësishëm liturgjik dhe pedagogjik për Kishën